按摩姐姐嘅態度同手勢都唔錯，但環境真係好差唔會再幫襯! 呢個價錢係正常唔算特別平亦唔算貴，但都預計會同其他按摩店一樣有個安靜舒服嘅環境。同媽媽兩個一齊按摩80分鐘，左右兩張床但估唔到間房仲有其他人，只係用咗1塊窗簾隔住，全程聽到隔離喺度好大聲，客人情侶之間聊天內容+按摩姐姐同佢哋嘅對話。 房門長期又開又閂門，隔離床嘅客人不斷更換出入、夠膽死中途職員入嚟又拎嘢又拎櫈，完全聽到出面嘅職員推銷其他客人嘅交談聲，全程80分鐘嘭嘭聲，完全冇瞓過覺，根本冇得放鬆休息。 都曾經安靜過10分鐘，正當我有一下準備瞓着的時候突然嘭一聲，好大力打開咗門，即場又醒咗… 總括，我和媽媽一致認同環境好差，過往喺深圳試過好多按摩店這次的體驗是最差! 太多客人了，差不多全部都是香港人，根本佢哋都做唔切，但服務員不斷繼續進行推銷…